Zum Indeänozionooln Dooch deä Muddeäschbrooch schdelld des Zendrum Weldärbe Bambeäch (ZWB) gonz bsonderra Fasseddn seineä Aussdellung nein Middelbungd. Im Bsucheäzendrum wiäd ned bloß des Dhema Weldärbe im indeänozionooln und logaln Zammhang gezeichd, sonneän a a Eiblig gehm wos füeä weiderra Schädz unä Heimadschdodd hod, die durch anerra Übeäeikomma deä UNESCO uneä Schudz schdehn.

In deä Aussdellung sin o unnäschiedlicha Schdelln, übeäall veädeild, Fächä un Glabbn zä finna die midm Häschdäg „hosd scho gwussd“ maggierd sin. In denna „K‘eimfächä“ veäschdeggn sich Infomaziona zu anarra Reichdümmä vo Bambeäch. Do find sich Wissensweäds zum immadeäielln Kuldueäärbe, dem Inneäschdäddischn Eäweäbsgaddnbau unnm Bauhüddnwesn obeä a zum Welddogumendenärbe des mä in deä Schdoodsbibliodeeg find. Deä Häschdäg „hosd scho gwussd“ wiäd abeä a in denna soziooln Nedzwergä vom ZWB bnuzd. Mä ko zum Beischbiel mid deä Häschdäg-Suche auf Fäisbugg nooch weiderra Infomaziona übeä die Bambercheä Gäddneä finna. Boold wiädz a middm Häschdäg bei Insdagram Beäln ausm Bambercheä Ärbe zu finna gehm. Des Zendrum Weldärbe find mä a auf seineä Fäisbugg-Seidn www.facebook.com/zentrumwelterbebamberg und auf Insdagram www.instagram.com/zentrum.welterbe.bamberg. A mool voäbei schaua lohnd sich.

Deä Indeänozionoole Dooch deä Muddeäschbrooch is a Gedengdooch vo deä UNESCO, a Kuldueäorganisazion deä Vereindn Nationa, un soll zueä „Föeäddärung schbroochlicheä un kuldurelleä Vielfold un Meheäschbroochichkeid“ diena. Deä find seidm Joäh zwaadausnd jeds Joäh immeä om aanäzwansigsdn Februar schdodd.

Mitreden zum Thema Muttersprache

Unter dem Beitrag zum Tag der Muttersprache auf der Facebook-Seite des ZWBs kann gerne über die Möglichkeiten der fränkischen Schreibweise und allgemein zum Thema Muttersprache diskutiert werden.